<p>1. अफगाणिस्तानात आयसिसच्या ठिकाणांवर अमेरिकेकडून ड्रोन हल्ला, काबूल विमानतळांवरील स्फोटानंतर कारवाई, स्फोटांच्या मास्टरमाईंडचा खात्मा केल्याचा दावा<br /><br />2. रत्नागिरीत नाव न घेता हल्लाबोल करणाऱ्या नारायण राणेंची जनआशीर्वाद यात्रा सिंधुदुर्गात दाखल, वैयक्तिक टीका केल्यास जशास तसं उत्तर देण्याचा शिवसेनेचा पवित्रा<br /><br />3. जमावबंदीचे आदेश धुडकावून लावत राणेंच्या स्वागतासाठी समर्थकांकडून कणकवलीत मोठी गर्दी, पोलिस कारवाईचा बडगा उचलणार का याकडे लक्ष<br /><br />4. एमआयएस योजनेतंर्गत राज्य सरकारनं टोमॅटो खरेदी करावी, दर कोसळल्यानं केंद्राचा प्रस्ताव, तोटा झाल्यास 50 टक्के भार उचलण्याची केंद्राची तयारी <br /><br />5. धुळ्याच्या साक्री डेपोतील एसटी कर्मचाऱ्याची आत्महत्या, कमी पगार आणि अनियमित वेतनामुळे संपवलं जीवन, महामंडळातील संघटना आक्रमक</p> <p>6. झोपडपट्टी पुनर्वसनच्या नावाखाली बँकांचे तब्बल 40 हजार कोटींचे कर्ज विकासकांनी थकवलं, गृहनिर्माण मंत्री जितेंद्र आव्हाड यांचा कारवाईचा इशारा</p> <p>7. अँटिजन टेस्ट केल्यावरच गणपती विसर्जन करता येणार, ठाणे महापालिकेचा निर्णय, गणेशोत्सवासाठी विशेष खबरदारी<br /><br />8. पबजी खेळण्यासाठी अल्पवयीन मुलाकडून आईच्या खात्यातल्या 10 लाखांवर डल्ला, मुंबईतली धक्कादायक घटना, जाब विचारल्यानंतर घर सोडण्याची धमकी<br /><br />9. लीड्स कसोटीत भारत सुस्थितीत, दुसऱ्या डावात चेतेश्वर पुजारा शतकाच्या उंबरठ्यावर, रोहीत शर्मा आणि विराटचीही झुंजार खेळी<br /><br />10. पोर्तुगालचा स्टार फुटबॉलर ख्रिस्तियानो रोनाल्डोचा युवेंटस क्लबला गुडबाय, मँचेस्टर युनायटेडकडून खेळण्याचा निर्णय</p>
source https://marathi.abplive.com/news/maharashtra/abp-majha-smart-bulletin-28th-august-2021-latest-marathi-news-top-10-headlines-1000838
0 Comments