<p style="text-align: justify;"><em><strong>Maharashtra News LIVE Updates : ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो.</strong></em></p> <h3 style="text-align: justify;"><strong>राज्यात 7751 ग्रामपंचायतींसाठी मतदान (Maharashtra Gram Panchayat Election 2022)</strong></h3> <p style="text-align: justify;">राज्यातील विविध जिल्ह्यांतील 7 हजार 751 ग्रामपंचायतींच्या सदस्यपदांसह थेट सरपंचपदाच्या सार्वत्रिक निवडणुकीसाठी आज मतदान होणार आहे. सकाळी 7.30 ते संध्याकाळी 5.30 या वेळेत मतदान होईल. नक्षलग्रस्त भागात दुपारी 3 वाजेपर्यंत मतदानाची वेळ असेल. मतमोजणी 20 डिसेंबरला होईल. </p> <h3 style="text-align: justify;"><strong>अधिवेशनाच्या पूर्वसंध्येला आज नागपूरमध्ये चहापान, पत्रकार परिषद (</strong><strong>Maharashtra </strong><strong>Winter Assembly </strong><strong>2022 )</strong></h3> <p style="text-align: justify;">राज्यातील हिवाळी अधिवेशनाच्या पूर्वसंध्येला आज नागपूरमध्ये चहापानचा कार्यक्रम होणार आहे. यानंतर दुपारी 1 वाजता विरोधी पक्ष नेत्यांची पत्रकार परिषद होणार आहे. प्रथेप्रमाणे अधिवेशनाच्या पूर्वसंध्येला आज मुख्यमंत्र्यांनी विरोधकांना चहापानासाठी आमंत्रित केले आहे. यानंतर संध्यकाळी 6 वाजता मुख्यमंत्र्यांची पत्रकार परिषद होणार आहे </p> <h3 class="article-title " style="text-align: justify;">हिवाळी अधिवेशनाची तयारी पूर्ण, मुख्यमंत्र्यांसह मंत्रिमंडळ आज नागपुरात येणार</h3> <p style="text-align: justify;">हिवाळी अधिवेशनाची (Winter Assembly Session) तयारी पूर्ण झाली असून, कालपासून सरकारचे नागपुरात आगमन होण्यास सुरूवात झाली आहे. राज्याचे उपमुख्यमंत्री देवेंद्र फडणवीस (Devendra Fadnavis) शनिवारी रात्री नागपुरात (Nagpur) पोहोचले. तर, मुख्यमंत्री एकनाथ शिंदे (CM Eknath Shinde) रविवारी सकाळच्या वेळी नागपुरात दाखल होतील. विदर्भातील बहुतांश मंत्री शनिवारीच नागपुरात पोहोचले आहेत. इतर मंत्री रविवारी सकाळी नागपुरात डेरेदाखल होतील. दरम्यान, विधानपरिषदेच्या उपनसभापती निलम गोऱ्हे यांचे शनिवारी सकाळी नागपुरात आगमन झाले आहे. </p> <h3 style="text-align: justify;"><strong>बेळगावात संभाजीराजेंच्या हस्ते शिवाजी महाराजांच्या पुतळ्याचं अनावरण</strong></h3> <p style="text-align: justify;">संभाजीराजे छत्रपतींच्या हस्ते बेळगावमधील होणगा गावात शिवाजी महाराजांच्या अश्वारुढ मूर्तीचे अनावरण करण्यात येणार आहे. बेळगाव सीमाप्रश्नाचा आणि शिवाजी महाराजांबद्दलच्या वक्तव्याचा वाद सध्या सुरु असताना संभाजीराजेंचा हा दौरा महत्वाचा आहे. छत्रपती संभाजीराजे नियोजित बेळगाव दौरा व स्वराज्य संघटनेचे झी स्टुडीओ वरील हल्लाबोल आंदोलन याबाबत पत्रकार परिषद घेणार आहेत, सकाळी 8 वाजता. </p> <h3 style="text-align: justify;">आज फीफा वर्ल्डकप (Fifa World Cup Final)</h3> <p style="text-align: justify;">कतारमध्ये आज अर्जेंटीना आणि फ्रांसमध्ये मेगा फायनल होणार आहे, भारतीय वेळेनुसार रात्री 8.30 वाजता सामना सुरु होईल. फ्रान्स सध्याचा विश्वविजेता आहे, तर अर्जेंटिनाने अखेरचा विश्वचषक 1968 मध्ये जिंकला होता.</p>
source https://marathi.abplive.com/news/maharashtra/maharashtra-news-live-updates-maharashtra-marathi-news-breaking-news-live-updates-18-december-2022-today-sunday-marathi-headlines-political-news-mumbai-news-national-politics-news-maharashtra-live-updates-1131557
0 Comments