<h3 style="text-align: justify;"><strong>Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...</strong></h3> <p class="article-title " style="text-align: justify;"><strong><a href="https://marathi.abplive.com/news/india/rajasthan-sariska-forest-ccf-meena-suspended-for-conducting-jungle-safari-for-anjali-tendulkar-ignoring-fire-1046019">सरिस्कातील आग नियंत्रणात, आगीकडे दुर्लक्ष करुन अंजली तेंडुलकरांना जंगल सफारी घडवणारे सीसीएफ मीणा निलंबित</a></strong></p> <p style="text-align: justify;">जयपूर: राजस्थानमधील सरिस्का अभयारण्यात गेल्या चार दिवसांपासून लागलेल्या आगीवर नियंत्रण मिळवण्यात यश आलं आहे. आतापर्यंत 700 हेक्टरहून जास्त जंगल या आगीच्या भक्ष्यस्थानी पडलं आहे. आगीचे नेमकं कारण अद्याप अस्पष्ट असलं तरी ही आग वनाधिकाऱ्यांच्या निष्काळजीपणामुळे पसरली असल्याचं स्पष्ट झालं आहे. दरम्यान, या आगीकडे दुर्लक्ष करत अंजली तेंडुलकरांच्या गाडीचे ड्रायव्हिंग करणाऱ्या सीसीएफ आर एन मीणा या अधिकाऱ्याचं निलंबन करण्यात आलं आहे. </p> <p style="text-align: justify;">रविवारी संध्याकाळी चार वाजण्याच्या सुमारास या जंगलात आग लागली होती. या आगीची माहिती काही वेळेतच वायरलेसवरुन अधिकाऱ्यांपर्यंत पोहोचली होती. परंतु या दरम्यान सचिन तेंडुलकरची पत्नी अंजली तेंडुलकर या व्हीआयपी पाहुण्याच्या सेवेत सर्व अधिकाऱ्यांचा लवाजमा उतरला होता. त्यामुळे या आगीची तीव्रता या अधिकाऱ्यांना समजली नसेल किंवा त्यांनी सोपस्कररित्या याकडे दुर्लक्ष केलं असेल. व्हीआयपी पाहुण्याचे सेवेमध्ये लागलेले हे अधिकारी जंगलातील आग विझवायला विसरले. </p> <p class="article-title " style="text-align: justify;"><strong><a href="https://ift.tt/BbcXrdz Link: आजच पॅन कार्ड करा आधारशी लिंक, एक एप्रिलनंतर भरावा लागेल मोठा भुर्दंड</a></strong></p> <p style="text-align: justify;">आधार आणि पॅन कार्ड (Aadhaar-PAN Link) लिंक करण्याची शेवटची तारीख 31 मार्च असून 1 एप्रिलपासून हे अनिवार्य करण्यात आलं आहे. जर तुम्ही अद्याप तुमचे आधार आणि पॅन कार्ड लिंक केले नसेल तर 31 मार्चपूर्वी नक्की करा, अन्यथा तुम्हाला त्यानंतर दंड भरावा लागू शकतो. या संदर्भात केंद्रीय प्रत्यक्ष कर मंडळाने (CBDT) अधिसूचना जारी केली आहे.</p> <p style="text-align: justify;"><strong>दंड भरून 31 मार्चनंतरही लिंक करू शकता आधार-पॅन कार्ड</strong></p> <p style="text-align: justify;">पॅन कार्ड आधारशी लिंक करण्याची शेवटची तारीख 31 मार्च आहे. मात्र त्यानंतरही तुम्ही दंड भरून आधार आणि पॅन कार्ड लिंक करू शकता. सीबीडीटीने एक अधिसूचना जारी करून म्हटले आहे की, 31 मार्चनंतरही आधार आणि पॅन लिंक करता येईल, मात्र त्यानंतर दंड भरावा लागेल.</p>
source https://marathi.abplive.com/news/maharashtra/maharashtra-marathi-news-breaking-news-live-updates-31-march-2022-today-sunday-marathi-headlines-maharashtra-political-news-mumbai-news-national-politics-news-1046042
0 Comments