ED : हसीना पारकरचे अखेरपर्यंत दाऊदसोबत आर्थिक व्यवहार; नवाब मलिकांसोबत काय संबंध? मुलाने ईडीला दिलेल्या जबाबात माहिती समोर

<p style="text-align: justify;"><strong>ED : </strong>हसीना पारकर अखेरपर्यंत दाऊदसोबत आर्थिक व्यवहार करत होती. 21 फेब्रुवारी 2022 रोजी, ईडीने पीएमएलए कायद्याच्या कलम 50 अंतर्गत दिवंगत हसीना पारकरचा मुलगा अलीशाह इब्राहिम पारकर याचा जबाब नोंदवला होता. यात ही माहिती समोर आली आहे. अलीशाह सांगितले की, त्याची आई हसीना पारकर ही दाऊद इब्राहिमची बहीण असल्याने ती समाजातील एक दरारा असलेली व्यक्ती होती. हसीना आपा म्हणून त्या ओळखल्या जात असून मालमत्तेशी संबंधित वाद मिटवत होत्या. दाऊद इब्राहिमशी तिच्या आईच्या संबंधांबद्दल विचारले असता, त्याने सांगितले की त्यांच्यात सौहार्दपूर्ण संबंध आहेत. ते वारंवार बोलायचे आणि संवाद साधायचे.&nbsp;</p> <p style="text-align: justify;"><strong>हसीना पारकरचे दाऊद इब्राहिमशी संबंध</strong><br />ईडीने आरोपपत्रात हसीना पारकरचा मुलगा अलीशाह पारकर, दाऊद इब्राहिमचा मेहुणा सौद युसूफ तुंगेकर, छोटा शकीलचा मेहुणा सलीम कुरेशी उर्फ ​​सलीम फ्रूट, इक्बाल कासकर, इक्बालचा सहकारी खालिद उस्मान शेख आणि सरदार खानचे यांचे जबाब घेण्यात आले. सर्वांच्या जबाबवरून हे सिद्ध झालं की, हसीना पारकरचे दाऊद इब्राहिमशी संबंध आहेत आणि कुर्ल्यातील मालमत्तेची मालकी तिच्याकडे असल्याचे उघड झाले आहे.</p> <p style="text-align: justify;"><strong>कुर्ल्यातील मालमत्तेची मालकी कोणाकडे? नवाब मलिकांसोबत व्यवहार?</strong><br />कुर्ल्यातील गोवाला इमारतीत हसीना पारकर आणि सलीम पटेल यांनी वाद मिटवल्याचे अलीशाहने सांगितले. नंतर त्यांनी तेथे कार्यालय सुरू करून कंपाऊंडचा काही भाग ताब्यात घेतला. मालमत्तेशी संबंधित वादाचे स्वरूप त्याला माहीत नाही. आईच्या वतीने सलीम पटेल कार्यालयात बसून गोवाला कंपाऊंडचा कारभार सांभाळत असत. नंतर तिची आई हसीना पारकर यांनी तिच्या ताब्यात असलेला भाग नवाब मलिकला विकला. नवाब मलिकने तिच्या आईला दिलेल्या मोबदल्याबद्दल त्याला माहिती नाही. मोहम्मद सलीम इक्बाल कुरेशी उर्फ ​​सलीम फ्रूटचे जबाब ईडीने 15 फेब्रुवारी 2022 रोजी नोंदवले होते. तो छोटा शकीलचा मेहुणा आहे. छोटा शकील हा ज्ञात गुंड सुपारी किलर असून तो गुंडांच्या माध्यमातून खंडणीचे रॅकेट चालवत असे. छोटा शकील पाकिस्तानातून काम करतो आणि दाऊद इब्राहिमच्या टोळीत काम करतो, असे त्याने सांगितले.</p> <p style="text-align: justify;"><strong> मालमत्तेच्या व्यवहारात मनी लाँड्रिंग झाल्याचे सिद्ध</strong><br />मंत्री नवाब मलिक यांच्याविरुद्ध अंमलबजावणी संचालनालयाने गेल्या आठवड्यात दाखल केलेल्या आरोपपत्रात गुंड दाऊद इब्राहिमची बहीण हसीना पारकर यांच्यातील करार सिद्ध झाला होता. 5000 पानांच्या आरोपपत्रात अंडरवर्ल्ड डॉन दाऊद इब्राहिमशी संबंधित असलेल्या लोकांसोबत मालमत्तेच्या व्यवहारात मनी लाँड्रिंग झाल्याचे सिद्ध झाले आहे. ईडीच्या म्हणण्यानुसार, दाऊद इब्राहिमची बहीण हसिना पारकर, तिचा अंगरक्षक सलीम पटेल आणि 1993 बॉम्बस्फोटातील दोषी सरदार शाह वली खान यांच्या संगनमताने हे व्यवहार केले गेले.&nbsp;</p> <p style="text-align: justify;">&nbsp;</p> <p style="text-align: justify;">&nbsp;</p> <p style="text-align: justify;">&nbsp;</p>

source https://marathi.abplive.com/news/maharashtra/maharashtra-crime-marathi-news-hasina-parkar-was-dealing-financially-with-dawood-till-her-death-information-in-statement-given-to-the-ed-1062858