<p class="PlaygroundEditorTheme__paragraph" dir="ltr" style="text-align: justify;"><strong>Bhandara News :</strong> प्रसूत वेदना आल्यानंतर गर्भवती मातेला ग्रामीण रुग्णालयात प्रसुतीकरिता दाखल करण्यात आलं होतं. मात्र, प्रसुतीनंतर नवजात अर्भकाचा मृत्यू झाला. तर, मातेची प्रकृती चिंताजनक असल्यानं तिला भंडारा जिल्हा सामान्य रुग्णालयात पुढील उपचारासाठी रेफर करण्यात आलं. <span class="transliteration">मात्र</span> वाटेत असतानाचं मातेचाही रुग्णवाहिकेतचं <span class="transliteration">दुर्दैवी</span> मृत्यू झाला<span class="transliteration">य</span>. ही घटना भंडारा जिल्ह्यातील लाखांदुरात घडली.</p> <h2 class="PlaygroundEditorTheme__paragraph" dir="ltr" style="text-align: justify;">आरोग्य सुविधेचा अभाव असल्यानं ही घटना घडल्याचा नागरिकांकडून रोष</h2> <p class="PlaygroundEditorTheme__paragraph" dir="ltr" style="text-align: justify;"><span class="transliteration">मिळालेल्या</span> <span class="transliteration">माहिती</span><span class="transliteration">नुसार</span>, लाखांदूर तालुक्यातील आसोला या गावातील रीना शहारे यांना प्रसूतकळा आल्यानं कुटुंबीयांनी तिला सोमवारी लाखांदूर येथील ग्रामीण रुग्णालयात दाखल केलं होतं. त्यानंतर काल (19 ऑगस्ट 2025) सकाळी महिलेची प्रसूती झाली आणि तिनं एका गोंडस बाळाला जन्म दिला. मात्र, काही वेळात नवजात अर्भकाचा मृत्यू <span class="transliteration">झाला</span>. त्यानंतर महिलेची प्रकृती अचानक बिघडल्यानं तिला भंडारा जिल्हा रुग्णालयात रेफर करण्यात आलं. मात्र, वाटेत असताना तिचाही मृत्यू झाला. लाखांदूर हे <a title="भंडारा" href="https://ift.tt/pSrC15G" data-type="interlinkingkeywords">भंडारा</a> जिल्ह्यातील शेवटच्या टोकावरील तालुका आहे. तिथं आरोग्य सुविधेचा अभाव असल्यानं ही घटना घडल्याचा रोष आता नागरिकांकडून करण्यात येत आहे. यापूर्वीही काही महिन्यापूर्वी लाखांदूर तालुक्यातील एका महिलेचा प्रसूतीनंतर मृत्यू झाल्यानं मोठ्या तणावाची परिस्थिती निर्माण झाली होती.</p> <p class="PlaygroundEditorTheme__paragraph" dir="ltr" style="text-align: justify;"><span class="transliteration">दरम्यान</span>, याबाबत लाखांदूर ग्रामीण रुग्णालयाचे वैद्यकीय अधिकारी डॉ.ठाकरे यांच्याशी वारंवार संपर्क साधला मात्र, त्यांनी कुठलाही प्रतिसाद दिला नाही, त्यामुळं रुग्णालयाची बाजू समजू शकली नाही. <span class="transliteration">मात्र</span> <span class="transliteration">या</span> <span class="transliteration">घटनेने</span> <span class="transliteration">परिसरात</span> <span class="transliteration">शोक</span>कळा <span class="transliteration">पसरली</span> <span class="transliteration">आहे</span>.</p> <h2 class="PlaygroundEditorTheme__paragraph" dir="ltr" style="text-align: justify;"><strong>धक्कादायक! स्कुलबस चालकाने बस घातली पुरातून, लहान मुलांचा जिव धोक्यात</strong></h2> <p class="PlaygroundEditorTheme__paragraph" dir="ltr" style="text-align: justify;"><a title="अमरावती" href="https://ift.tt/7OjVBTd" data-type="interlinkingkeywords">अमरावती</a> जिल्ह्यातील परतवाडा शहरातील नामांकित स्कुल<span class="transliteration">च्या</span> स्कुल बस<span class="transliteration">मधून</span> ग्रामीण भागातून चिमुकले विद्यार्थ्यांना ये-जा करते. मात्र मुसळधार पावसामुळे करजगाव बहिरम जवळ पूर आलेला असतांना देखील लहान मुलांच्या जीवाची पर्वा न करता बस चालकाने बस पुराच्या पाण्यात टाकली. याचा व्हिडीओ <span class="transliteration">सध्या</span> व्हायरल होत असून पालक वर्गात संतापाची लाट पाहायला मिळत आहे. तर दुसरीकडे परतवाडा वाहतूक विभागाचे अधिकारी स्कुलबसवर कारवाई सोडून लहान ऑटोवर कारवाई करून अधिकाऱ्यांची दिशाभूल करत <span class="transliteration">असल्याचे</span> <span class="transliteration">बोलले</span> <span class="transliteration">जात</span> <span class="transliteration">आहे</span>. <span class="transliteration">त्यामुळे</span> <span class="transliteration">चिमुकल्या</span> विद्यार्थ्यां<span class="transliteration">च्या</span> <span class="transliteration">जीवाची</span> <span class="transliteration">पर्वा</span> <span class="transliteration">न</span> <span class="transliteration">करणाऱ्या</span> <span class="transliteration">या</span> <span class="transliteration">बस</span> <span class="transliteration">चालकावर</span> <span class="transliteration">नेमकी</span> <span class="transliteration">काय</span> <span class="transliteration">कारवाई</span> <span class="transliteration">होते</span> <span class="transliteration">हे</span> <span class="transliteration">पाहणे</span> <span class="transliteration">आता</span> <span class="transliteration">महत्वाचे</span> <span class="transliteration">ठरणार</span> <span class="transliteration">आहे</span>.</p> <p class="PlaygroundEditorTheme__paragraph" dir="ltr" style="text-align: justify;"><strong>संबंधित बातमी:</strong></p> <ul> <li class="abp-article-title"><strong><a href="https://marathi.abplive.com/news/mumbai/mumbai-mono-rail-stuck-nearly-200-hundred-passengers-inside-resque-work-start-said-by-bhushan-gagrani-1378258">Mumbai Mono Rail : प्रवाशांनी काच फोडली, प्रशासनानं तीन क्रेन मागवल्या, मोनो रेल एका बाजूला कललेली, 200 प्रवासी अडकले, बीएमसी आयुक्तांची माहिती</a></strong></li> </ul>
source https://marathi.abplive.com/news/bhandara-news-lack-of-health-facilities-unfortunate-death-of-mother-along-with-newborn-after-delivery-incident-in-lakhandur-of-bhandara-district-1378300
0 Comments